裝修報價時，客人最擔心會唔會有額外的開支，如果見到報價內寫明係連工包料，感覺好似安心少少，但究竟包面料好唔好呢？如果唔包的話會唔會好容易失預算呢？
在解答這個問題前，我們首先要知道甚麼是底料和面料。
底料是指隱藏在牆身或地板下面水喉、電線、英泥、沙、防水料、批灰料等施工物料；
面料就是我們眼看到和接觸到的建材，例如地板、瓷磚、潔具、水龍頭、電掣面、五金、門鎖等。
報價內如果表明係連工包料，一般師傅都會指定某幾款牌子或限定在某個價格內：
好處
不需要為揀選面料而煩惱
師傅自行安排訂貨及送貨
壞處
所包既面料款式有限，未必是客人所喜歡的款式
即使客人不需要包面料，再扣後價錢都未必可以平好多
面料質素參差, 師傅所包既面料質素存疑
師傅有機會會從中抽佣，價格未必係最抵
建議: 花時間了解師傅所包面料 (如牌子, 款式, 質素等)，並於報價內列明
但如果報價內唔包面料，客人都唔需要過份擔心，因為市場上的面料價格都十分透明：
好處
可選自己喜歡的款式
價錢, 品質方面可以自己控制
報價更加清晰透明
壞處
要自行安排訂貨及送貨
建議： 一般師傅都會預先要客人預備哪些面料，但須要與師傅好好溝通應何時訂貨及送貨，以避免影響工程進度
裝修報價包面料好唔好？DECOLAND 認為畢竟裝修師傅都是落手做安裝為主，建議不包面料的裝修報價數目會比較清晰，而且客人可以根據自己的喜好揀選，不需要將價就貨，從中亦都減少誤會，再者目前市場的資訊很多，價格亦非常透明，客人不需要過份擔心如果唔包面料就會大失預算。
